Прывітанне, мае шаноўныя сябры!

Мы з вамі адпраўляемся ў падарожжа па краіне, імя якой - Беларусь

У чацвёртым класе па прадмеце "Чалавек і свет" мы пераходзім да вывучэння раздзела "Мая Радзіма -Беларусь". Вы даведаецеся аб мінулым і сучасным сваёй краіны. Убачыце, якая яна прыгожая. Знойдзеце адказы на шматлікія пытанні: хто былі нашы продкі? Па якіх законах яны жылі? У што верылі? Пазнаёміцеся з гістарычнымі асобамі і дзеячамі культуры. Вас чакае шмат цікавага і пазнавальнага! А суправаджаць вас у гэтым падарожжы будзе "Радзімічок"- інтэрактыўны памочнік. Ён дапаможа вам не толькі лепш зразумець і запомніць самае галоўнае, але і паўтарыць матэрыял, пададзены ў падручніку, самастойна падрыхтавацца да наступнага ўрока. Рознаўзроўневыя заданні, крыжаванкі, філворды, віктарыны з выбарам адказаў і інш. распрацаваны па ўсім тэмам раздзела.